တယ်လီနော အလင်းအိမ် ဒစ်ဂျစ်တယ်နည်းပညာ အစီအစဥ်

မြို့ပြုနှင့် ကျေးလက်အကြား ဒစ်ဂျစ်တယ် နည်းပညာ ကွာဟမှု ကျဥ်းမြောင်းစေရန်နှင့် တယ်လီနော၏ “အားလုံးအတွက် အင်တာနက်” လုပ်ငန်းစဥ်ကို အကောင်အထည်ဖော်ရန် တယ်လီနော အလင်းအိမ် ဒစ်ဂျစ်တယ်နည်းပညာ အစီအစဥ်ကို လုပ်ဆောင်ခဲ့ပါသည်။ လျင်မြန်စွာ တိုးတက်လာသော မြန်မာ့ဆက်သွယ်ရေးကဏ္ဍနှင့် လိုက်လျောညီထွေမှုရှိပြီး ဒစ်ဂျစ်နည်းပညာစွမ်းရည်များ နောက်ကျမကျန်စေရအောင် ဤအစီအစဥ်၏ ရည်မှန်းချက်များမှာ -  

• ကျေးလက် (သို့မဟုတ်) မဖွံ့ဖြိုးသေးသော လူမှုအသိုက်အဝန်းများအား စမတ်ဖုန်း အခြေခံ ဒစ်ဂျစ်တယ် နည်းပညာစွမ်းရည်များကို လက်တွေ့သင်ကြားခြင်း ၊ ကျေးလက် လက်လှမ်းမှီ အစီအစဥ်နှင့် အွန်လိုင်းသင်တန်းများမှ တဆင့် စွမ်းဆောင်ရည်မြှင့်တင်ပေးရန်။ ‌
• ‌‌အားလုံးလက်လှမ်းမှီနိုင်သော လုပ်ငန်းရှင် အသိအမှတ်ပြု ပရော်ဖက်ရှင်နယ် ကွန်ပျူတာအခြေခံ ဒစ်ဂျစ်တယ်နည်းပညာ နည်းပညာ သင်တန်း ထောက်ပံ့ပေးရန်။
• နိုင်ငံတဝန်းလုံး လက်လှမ်းမှီ ရယူနိုင်သော ဒစ်ဂျစ်တယ် နည်းပညာသင်တန်း ပြုလုပ်နိုင်ရန် ဒစ်ဂျစ်တယ် နည်းပညာ အွန်လိုင်း ပညာပေးဖျော်ဖြေမှု စီးရီးများ အကောင်အထည်ဖော်ရန်။

ဤအစီအစဥ်ကို Myanmar for ICT Development Organization (MIDO) နှင့်အတူ ရေရှည်တည်တံ့ပြီး အကျိုးသက်ရောက်မှုမြင့်မားသော အလင်းအိမ်စင်တာ (၆၀) တွင် အကောင်အထည်ဖော် ဆောင်ရွက်ခဲ့ပါသည်။

ကြာချိန် - ၂၀၁၄ ခုနှစ် မှ ၂၀၁၈ ခုနှစ် အထိ

အကျိုးသက်ရောက်မှု - ကျေးလက်ဒေသရှိ လူငယ် ၂၀၀,၀၀၀ ကျော်ကို ဒစ်ဂျစ်တယ် နည်းပညာများ သင်ကြားပေးခဲ့ပါသည်။