မွေးဖွားခြင်းနှင့် သေဆုံးခြင်းဆိုင်ရာ မိုဘိုင်း မှတ်ပုံတင်ခြင်း စီမံချက်

မွေးစာရင်းလက်မှတ်ရှိခြင်းသည် ကလေးများတွက် ကျန်းမာရေး နှင့် ပညာရေးကဲ့သို့သော လူမှုရေးဝန်ဆောင်မှုများ လက်လှမ်းမီနိုင်ရန် ပိုမိုသေချာစေပြီးအခြားသော လူအခွင့်အရေး အကာအကွယ်များရရှိစေရန် အခြေခံအဖြစ် ပံ့ပိုးပေးခြင်းလည်းဖြစ်ပါသည်။ မွေးစာရင်း လက်မှတ်သည် ကလေးများကိုစောစီးစွာအိမ်ထောင်ချပေးခြင်း ၊ လူကုန်ကူးခံရခြင်း နှင့် သက်ငယ်အလုပ်သမားအဖြစ်ခိုင်းစေခြင်းစသည်တို့မှ ဥပဒေအကာအကွယ်ရရှိစေရန် ကူညီပေးပါသည်။ ကုလသမဂ္ဂကလေးများရန်ပုံငွေအဖွဲ့- ယူနီဆက် (UNICEF) အဆိုအရ မြန်မာနိုင်ငံရှိအသက်(၅) နှစ်အောက်ကလေးများ၏ ၂၀% ကျော်ကိုမွေးစာရင်းမှတ်ပုံတင်ထား ခြင်းမရှိသေးပါ။ ပုံမှန်ဆောင်ရွက်နေကျ မွေးစာရင်းမှတ်ပုံတင်ခြင်းလုပ်ငန်းကို ပိုမိုအားကောင်းစေရန်အတွက် မွေးဖွားခြင်းနှင့်သေဆုံးခြင်းဆိုင်ရာ e-platform ကို UNICEF နှင့် စီမံကိန်းနှင့် ဘဏ္ဍာရေးဝန်ကြီးဌာနတို့၏ ပူးပေါင်းပါ၀င်မှုဖြင့် နိုင်ငံတော်အဆင့်၊ တိုင်းဒေသကြီးနှင့် ပြည်နယ်အားလုံးတွင်လည်းစာရွက်စာတမ်းဖြင့် မှတ်ပုံတင်ခြင်းမှ ဒစ်ဂျစ်တယ်နည်းလမ်းဖြင့် ပြောင်းလဲမှတ်တမ်းတင်နေပြီဖြစ်ပါသည်။

မြန်မာနိုင်ငံအစိုးရ၏ ထောက်ခံမှုဖြင့် စီမံကိန်းနှင့် ဘဏ္ဍာရေးဝန်ကြီးဌာန နှင့် ကျန်းမာရေးနှင့်အားကစား ၀န်ကြီးဌာန၊ တယ်လီနောလုပ်ငန်းစု နှင့် တယ်လီနောမြန်မာ၊ ယူနီဆက်တို့ ပူးပေါင်းကာ မွေးဖွားခြင်းနှင့်သေဆုံးခြင်းဆိုင်ရာ e- platform ကို မြို့နယ်နှင့် ရပ်ကွက်အဆင့်ထိအသုံးပြုနိုင်အောင် ပံ့ပိုးပေးခဲ့ပါသည်။ ဤ e- platform မှတဆင့် သားဖွားဆရာမအနေဖြင့် တာဝန်ထမ်းဆောင်ရာ ရပ်ကွက် သို့မဟုတ် ကျေးရွာများတွင် စမတ်ဖုန်းအက်ပလီကေးရှင်း အသုံးပြုကာ မွေးဖွားမှုဆိုင်ရာအချက်အလက်များ ဖြည့်သွင်းနိုင်ခဲ့ပါသည်။ ကနဦးစီမံချက်အဖြစ် မွန်ပြည်နယ်တွင် စတင်ခဲ့ပြီး မွန်ပြည်နယ်အတွင်းရှိ မြို့နယ်ကျန်းမာရေးအရာရှိများက ဒစ်ဂျစ်တယ်မိုဘိုင်းမှတ်တမ်းစနစ်ဖြင့် မှတ်ပုံတင်ခြင်းနှင့် မှတ်ပုံတင် လက်မှတ်ထုတ်ပေးခြင်းတို့ကို မြန်မာနိုင်ငံမှာပထမဆုံးဆောင်ရွက်ပေးနိုင်ခဲ့ပါသည်။

မွေးဖွားခြင်းနှင့် သေဆုံးခြင်းဆိုင်ရာမိုဘိုင်းမှတ်ပုံတင်ခြင်းစီမံချက်၏ ရည်ရွယ်ချက်များမှာ

• မွေးဖွားခြင်းနှင့် သေဆုံးခြင်းဆိုင်ရာမိုဘိုင်းမှတ်ပုံတင်ခြင်းကို မွန်ပြည်နယ်အတွင်း အပြည့်အဝလွှမ်းခြုံမှု ရရှိစေရန်
• အချက်အလက် လုံခြုံစိတ်ချမှု ပိုရှိလာစေရန်
• ရေးသားဖြည့်စွက် ရမည့် စာရွက်စာတမ်းပုံစံများသိသိသာသာလျော့နည်းသွားခြင်းကြောင့် အခြေခံကျန်းမာရေးလုပ်သားများ၏ လုပ်ငန်းစွမ်းဆောင်ရည်တိုးတက်လာစေရန် နှင့် မိုဘိုင်းနည်းပညာအသုံးပြုမှု တိုးတက်လာစေရန်
• ဒစ်ဂျစ်တယ် နည်းပညာ ၀န်ဆောင်မှု နှင့် အင်တာနက် အသုံးချပြီး နှင့် တီထွင်ဆန်းသစ်သည့် နည်းလမ်းများ ဖြင့် e-government အကျိုးကျေးဇူးများကို ပြည်သူများခံစားခွင့် ရရှိလာစေရန် ဆောင်ရွက်ခြင်းဖြင့် တယ်လီနော၏ ရည်မှန်းချက်ဖြစ်သောမညီမျှမှု များလျော့ချပေးရေး UNSDG (10) ကိုအကောင်အထည်ဖော်ရန်

ကြာချိန်: ၂၀၁၈ ခုနှစ်၊ သြဂုတ်လ မှ လ(၂၀) ကြာ

အကျိုးသက်ရောက်မှု: ၃၃,၀၀၀ ကျော် မွေးစားရင်း မှတ်ပုံတင်ပြီး၊ ၁၁,၀၀၀ ကျော် သေစာရင်း မှတ်ပုံတင်ပြီး

ကိုးကား- https://www.unicef.org/myanmar/media_27871.html

https://www.atom.com.mm/en/article/unicef-and-ATOM-join-hands-introduce-mobile-birth-and-death-registration-myanmar