၄။ အစီအစဥ်တွင် ပါဝင်နိုင်သူများမှ ရရှိမည့် စတားပွိုင့်များမှာ ဝယ်ယူထားသော အက်တမ် ပက်ကေ့ချ် ကျသင့်ငွေ နှင့် စတားအဆင့် များပေါ်တွင် မူတည်ပါသည်။ သို့ရာတွင် အချို့သော ပက်ကေ့ချ်များ ဝယ်ယူရာတွင် သီးခြားအကျိုးခံစားခွင့်များ ပါဝင်ပြီး အစီအစဥ်တွင် ပါဝင်နိုင်သူများမှ ၄င်းခံစားခွင့်များကို ရရှိခံစားပြီးဖြစ်ပါက ထိုသို့သော ပက်ကေ့ချ်များအတွက် စတားပွိုင့်များရရှိနိုင်မည် မဟုတ်ပေ။

၅။ အစီအစဥ်တွင် ပါဝင်နိုင်သူများ မှ အက်တမ်စတား အစီအစဉ်ရှိ ၄င်းတို့၏ စတားအဆင့် နှင့် ရရှိထားသော ပွိုင့်များအား ကြည့်ရှုလိုပါက “ATOM Store” application, Website, SMS and USSD မှတစ်ဆင့် ဝင်ရောက် ကြည့်ရှုနိုင်ပါသည်။

၆။ အက်တမ်ဝန်ထမ်းများကို Gold စတားအဆင့်အဖြစ် အလိုအလျှောက် သတ်မှတ်မည်ဖြစ်ပြီး ၄င်းတို့မှ စတားပွိုင့်များရယူခြင်း၊ ပြန်လည်အသုံးပြုခြင်းတို့လုပ်ဆောင်နိုင်မည် ဖြစ်သည်။ သို့ရာတွင် အက်တမ်ဝန်ထမ်းများမှာ တန်ဖိုးကြီးမားသော လက်ဆောင်များ ပေးအပ်မည့် အစီအစဥ်များတွင် ပါဝင်ခြင်းမပြုနိုင်ပါ။

၇။ စတားအဆင့်များမှာ သတ်မှတ်ထားသည့်အချိန်အပိုင်းအခြားဖြစ်သည့် လွန်ခဲ့သော ရက် (၉၀) အတွင်း ဖုန်းငွေဖြည့်ခဲ့သည့် ပမာဏများ နှင့် အက်တမ် ဆင်းကဒ် သုံးစွဲမှုအချိန်အပိုင်းအခြား (Sim Lifecyle) ပေါ်တွင် မူတည်ပါသည်။

၈။ စတားအဆင့်များမှာ အက်တမ် မြန်မာမှ သတ်မှတ်ထားသည့် ရက် (၉၀) အချိန်အပိုင်းအခြားကျော်လွန်လျှင် သက်တမ်းကုန်ဆုံးနိုင်ပါသည်။ ငွေဖြည့်ပမာဏအလိုက် သတ်မှတ်ထားသော စတားအဆင့် နှင့် သတ်မှတ်ထား သော အချိန်အပိုင်းအခြားများ ပြောင်းလဲနိုင်ပါသည်။ စတားအဆင့် ပြောင်းလဲမှုအတွက် ပွိုင့်ဖြတ်တောက်မည် မဟုတ်ပါ။

၉။ အစီအစဥ်တွင် ပါဝင်နိုင်သူများမှ ဝယ်ယူထားသော အက်တမ် ပက်ကေ့ချ်၊ ကျသင့်ငွေ နှင့် ဝယ်ယူသည့် ချန်နယ် ပေါ် မူတည်ပြီး သတ်မှတ်ထားသည့် တွက်ချက်နည်းများ အတိုင်း စတားပွိုင့်များရရှိနိုင်မည် ဖြစ်သည်။

၁၀။ အစီအစဥ်တွင် ပါဝင်နိုင်သူများမှ စတားပွိုင့်များအား စတင်ရရှိချိန်မှ (၃)လအချိန်ကာလ၏ နောက်ဆုံးရက် မတိုင်မီ အသုံးပြုရမည် ဖြစ်သည်။

၁၁။ စတားပွိုင့်များအား အက်တမ်သုံးစွဲသူများအချင်းချင်း (သို့) ဤအစီအစဥ်တွင် ပါဝင်နိုင်သူများသို့ လွှဲပြောင်း ပေးအပ်ခြင်း ခွင့်မပြုပါ။ အက်တမ်မြန်မာမှလည်း အဆိုပါ စတားပွိုင့်များအား ငွေကြေး အစားထိုးပေးအပ်ခြင်း ပြုလုပ်မည်မဟုတ်ပါ။

၁၂။ စတားအဖွဲ့ဝင်များ အနေဖြင့် ရရှိထားသော ပွိုင့်များကို စတားအကျိုးခံစားခွင့်များဖြင့် လဲလှယ်နိုင်ပါသည်။ စတားအကျိုးခံစားခွင့်များမှာ-

• အက်တမ် ဝန်ဆောင်မှု (အင်တာနက်‌ဒေတာ၊ အက်တမ်အချင်းချင်းဖုန်းခေါ်ဆိုမှု၊ စာတို နှင့် ပြန်အမ်းငွေ)
• မိတ်ဖက်များမှ အထူးလျှော့စျေးများ

၁၃။ စတားအကျိုးခံစားခွင့်များအား ရက်(၃၀) အတွင်း (သို့) ၄င်းအချိန်ထပ် လျှော့နည်းသော အချိန်အတွင်း အသုံးပြုရမည် ဖြစ်ပြီး အက်တမ်သုံးစွဲသူများအချင်းချင်း လွှဲပြောင်းပေးအပ်ခြင်းအား ခွင့်မပြုပါ။ အက်တမ် မြန်မာ မှလည်း စတားအကျိုးခံစားခွင့်များအား ငွေကြေး အစားထိုးပေးအပ်ခြင်း ပြုလုပ်မည်မဟုတ်ပါ။

၁၄။ သတ်မှတ်ထားသော သက်တမ်းကုန်ဆုံးရက်ပြီးသည့်အချိန်အထိ အသုံးမပြုသော အက်တမ် စတားပွိုင့်များ နှင့် စတား အကျိုးခံစားခွင့်များအား အက်တမ်မှ ပြန်လည်သိမ်းယူနိုင်မည် ဖြစ်သည်။ ၄င်းအတွက် အက်တမ်မြန်မာမှ စတားပွိုင့် များ နှင့် စတား အကျိုးခံစားခွင့်များအားသက်တမ်းတိုးခြင်း (သို့) ငွေကြေး ပြန်လည် ပေးအပ်ခြင်းတို့ ပြုလုပ်မည် မဟုတ်ပေ/ ပြုလုပ်ရန် တာဝန်မရှိချေ။

၁၅။ မိတ်ဖက်များမှ ပေးအပ်သော အထူးလျှော့စျေးများမှာ ၄င်းတို့သတ်မှတ်ထားသော စည်းမျဥ်းစည်းကမ်း များ၊ သက်တမ်းနှင့် ဆုံးဖြတ်ချက်များအတိုင်းရရှိ အသုံးပြုနိုင်မည် ဖြစ်သည်။ မိတ်ဖက်များမှ ပေးအပ်သော အထူးလျှော့စျေးလက်ဆောင်များမှ သတ်မှတ်ထားသည့် အရေအတွက်များ ကုန်သွားသည့်အခါ (သို့) ပေးအပ်ရန်ပျက်ကွက်သည့်အခါတွင် အက်တမ်မှ အဆိုပါ လက်ဆောင်များအား ချဲ့ထွင်ပေးအပ်ရန် (သို့) ပြန်လည်ပေးအပ်ရန် တာဝန် မရှိချေ။

၁၆။ အစီအစဥ်တွင် ပါဝင်နိုင်သူများမှ မိတ်ဖက်များမှ ပေးအပ်သော အထူးလျှော့စျေးများ၏ အဆင်မပြေမှု များကို ဖြေရှင်းရန်အတွက် သက်ဆိုင်ရာ မိတ်ဖက်များထံ တိုက်ရိုက်ဆက်သွယ်ရမည်ဖြစ်ပါသည်။

၁၇။ အစီအစဥ်တွင် ပါဝင်နိုင်သူများမှ စည်းမျဉ်း စည်းကမ်းများအား ဖောက်ဖျက်ခြင်း၊ အက်တမ် မြန်မာ၏ တားမြစ်ချက်များအား ဖောက်ဖျက်ခြင်း၊ ဤအစီအစဥ်တွင် ခွင့်ပြုချက် မရှိဘဲပါဝင်ခြင်း၊ ပွိုင့်များနှင့် စတား အကျိုးခံစားခွင့်များအား မသမာသော နည်းလမ်းများ (သို့) ဥပ‌‌ဒေအရ တားမြစ်ထားသည့် နည်းလမ်းများဖြင့် ရယူခြင်း၊ အသုံးပြုခြင်းများရှိခဲ့ပါက အက်တမ်မှ ၄င်းတို့ရရှိထားသော ပွိုင့်များနှင့် စတားအကျိုး ခံစားခွင့်များ အား မည်သည့်အချိန်တွင်မဆို ကြိုတင် အကြောင်း ကြားရန်မလိုဘဲ ပယ်ဖျက်ခြင်း၊ ပြန်လည်သိမ်းယူခြင်း၊ ဤအစီအစဥ်တွင် ပါဝင်ရန်တားမြစ်ခြင်း တို့ပြုလုပ်နိုင် သည် ဖြစ်သည်။ ထိုသို့ပြုလုပ်ခြင်းအတွက် အက်တမ် မြန်မာတွင် လျော်ကြေးပြန်လည်ပေးအပ်ရန် တာဝန် မရှိပေ။

၁၈။ နည်းပညာချို့ယွင်းမှုကြောင့် ဖြစ်ပေါ်လာသည့် အမှားများ၊ ပျက်စီး ဆုံးရှုံးမှုများ၊ အချိန်ကြံ့ကြာမှုများ၊ အင်တာနက် နက်ဝက် မရခြင်း နှင့် အက်တမ်မြန်မာ မှ ထိန်းချုပ်ရန် မစွမ်းသာသော အခြေအနေများ အစရှိ သည်တို့ ကြောင့် အစီအစဉ် တွင် ပါဝင်သည့်သူများ အပေါ် သက်ရောက်မှု/ဆုံးရှုံးမှု တစုံတရာ ရှိခဲ့ပါက အဆိုပါ ဆုံးရှုံးမှုများအား အက်တမ်မြန်မာ မှ တာဝန်ရှိသည်ဟု မှတ်ယူ ခြင်းမရှိစေရ။

၁၉။ အက်တမ်မှ ဝန်ဆောင်မှုများ ပိုမိုကောင်းမွန်သော အစီအစဥ်ပေးအပ်နိုင်ရန်အတွက် ပါဝင်သူများ၏ ကိုယ်ရေးအချက်အလက်များအား ကောက်ယူခြင်း၊ မျှဝေခြင်း၊ အသုံးပြုခြင်းတို့ ပြုလုပ်ရန် အစီအစဥ်တွင် ပါဝင်သူများမှ သဘောတူခွင့်ပြုပြီးဖြစ်သည်ဟု မှတ်ယူနိုင်မည် ဖြစ်သည်။

၂၀။ ဤအစီအစဉ်နှင့် စပ်လျဉ်းသည့် ကိစ္စရပ်များအတွက် အက်တမ်မြန်မာ၏ ဆုံးဖြတ်ချက်ကသာ အတည်ဖြစ်ပါမည်။

၂၁။ ဤစည်းမျဉ်း စည်းကမ်းများသည် မြန်မာ၊ အင်္ဂလိပ် ၂ဘာသာရှိရာ ၎င်းတို့၂ခုကြား ကွဲလွဲမှုရှိပါက အင်္ဂလိပ်ဘာသာမှာ အတည်ဖြစ်သည်။

၂၂။ ဤစည်းမျဉ်း စည်းကမ်းများအား ပြည်ထောင်စု မြန်မာနိုင်ငံတော်၏ ဥပဒေများမှ လွှမ်းမိုးမည်ဖြစ်ပြီး၊ ပြည်ထောင်စု မြန်မာနိုင်ငံဆိုင်ရာ တရားရုံး၏ စီရင်ပိုင်ခွင့်အောက်တွင် ရှိမည်ဖြစ်သည်။